АЛМАТЫ, 10 шілде – Sputnik. Маңғыстау облысы Ақшұқыр ауылында атыс болды, деп хабарлайды Sputnik Қазақстан. Салдарынан екі адам зардап шегіп, ауруханаға жеткізілген. Оқиға 9 шілдеде болған. Қылмыстық іске қатысты төрт баппен іс қозғалды.

"Бұл факт бойынша кісі өлтіруге оқталу, бұзақылық, сондай-ақ суық қаруды заңсыз алып жүру және өткізу белгілері бойынша қылмыстық істер қозғалды", - дейді Маңғыстау облысының полиция департаменті.

Полицейлер болған оқиғаның мән-жайын анықтады. "Жедел-іздестіру нәтижесінде жанжалға қатысушылар анықталып, ұсталды. Қазіргі уақытта төрт күдікті уақытша ұстау изоляторына қамалды. Құрбан болғандар жоқ", - дейді полиция. Тергеу жүріп жатыр.

Павлодарда әскери бөлімде атыс болып, бір адам көз жұмды 16 Сәуір, 10:27