Музыканттың қайтыс болғанын әкесі хабарлады.

Ресейлік рэп-орындаушы Кирилл Толмацкий, Децл бүркеншік атымен танымал, өмірден озды. Қайғылы хабарды Facebook-те оның әкесі, продюсер Александр Толмацкий жариялады, деп хабарлайды Total.kz.

«Кирилл енді жоқ», – деп жазды ол.

Музыканттың өлімінің ресми себебі аталмайды. Орындаушының концерттік директоры Павел Беленец Толмацкийдің жүрегі тоқтап қалғанын хабарлады.

Децлдің қайтыс болғаны туралы оның ВКонтакте-дегі ресми парақшасында да хабарланды.

Кирилл Толмацкий – «Bad B. Альянс» тобының бұрынғы мүшесі. Оның дискографиясында сегіз студиялық альбом бар. Децл «Вечеринка», «Слезы», «Письмо» және «Для тебя» сияқты хиттерді орындады. Ол Мәскеудегі Британ халықаралық мектебін бітіріп, Швейцарияда оқыған. Рэпер өзінің алғашқы «Пятница» трегін әкесінің, музыкалық продюсердің көмегімен жазды, кейін ол Децлді продюсерлеуді жалғастырды.