«Бұл мен – Эдичка» кітабы Лимоновқа кең танымалдылық пен жанжалды бедел әкелді.

Өмірінің 78-ші жылында жазушы, ақын, публицист, ресейлік саяси қайраткер Эдуард Лимонов қайтыс болды, деп хабарлайды tvkultura.ru.

Лимонов әртүрлі жанрларда жұмыс істеді: проза, өлеңдер және философиялық эсселер жазды. Оқырмандарға ол «Бұл мен – Эдичка», «Жазалаушы», «Бейуақыттағы бөтен адам» шығармалары арқылы таныс болды.

«Бұл мен – Эдичка» кітабы Лимоновқа кең танымалдылық пен жанжалды бедел әкелді. 1979 жылы бұл роман басқа атаумен Парижде француз тілінде басылып, әлемнің көптеген тілдеріне аударылды.

Автордың басқа шығармаларының қатарында – «Оның қызметшісінің тарихы», «Сәтсіздікке ұшыраған адамның күнделігі», «Қазіргі заманғы батырлардың өлімі» романдары.

Жетпісінші жылдардың ортасынан КСРО ыдырағанға дейін АҚШ-та эмиграцияда болды.

1990-шы жылдары және соңғы уақытқа дейін Лимоновтың шығармаларында саяси құрамдас бөлік айтарлықтай күшейді. Поэзия мен прозадан басқа, ол эсселер мен тарихи портрет-миниатюралар жинақтарын жариялай бастады: «Күзетшіні өлтіру», «Қасиетті құбыжықтар», «Титандар».