Алдағы уақытта ауа райы қандай болатынын синоптиктер айтып берді.

Қазақстанның батысында, солтүстігінде, оңтүстігінде тұрақсыз ауа райы күтілуде, осыған байланысты жауын-шашын болады, деп хабарлайды Total.kz.

Елдің батыс шетінде, оңтүстік облыстардың таулы аймақтарында — жаңбыр мен найзағай. Қалған аумақта жоғары қысым аймағының әсерінен жауын-шашынсыз ауа райы сақталады.

Республика бойынша тұман, солтүстікте, орталықта көктайғақ, батыста, солтүстікте, оңтүстікте желдің күшеюі, батыста шаңды дауыл күтілуде.

Орталық облыстарда ауыспалы бұлтты. Түнде -3°С, күндіз ауа температурасы +5°С болады деп болжануда.

Солтүстікте бұлтты, қысқа мерзімді қар жаууы мүмкін. Ауа температурасы түнде -1°С, күндіз +6°С болады.

Қазақстанның батысында бұлтты, ашық. Түнде 0°С, күндіз ауа +6°С-қа дейін жылынады.

Елдің шығысында ауыспалы бұлтты. Түнде ауа температурасы -7°С, күндіз термометр бағандары +10°С көрсетеді.

Республика оңтүстігінде қысқа мерзімді жаңбыр болуы мүмкін. Түнде +7°С, күндіз ауа температурасы +19°С-қа дейін көтеріледі.

Астанада ауыспалы бұлтты. Түнде температура -5°С-қа дейін төмендейді, күндіз термометр бағандары +3°С көрсетеді.

Алматыда күн ашық болады деп күтілуде. Түнде ауа температурасы +6°С, күндіз ауа +17°С-қа дейін жылынады.

Шымкентте найзағай күтілуде. Түнде +10°С, күндіз ауа +19°С-қа дейін жылынады.