Алдағы күндері ауа райы қандай болатынын синоптиктер айтты.

«Қазгидромет» РМК мамандарының мәліметінше, 21–23 қыркүйекте атмосфералық фронталды жүйелермен батыста, оңтүстік пен оңтүстік-шығыстың таулы аудандарында жаңбыр жауады, солтүстік пен шығыста аздаған жауын-шашын (негізінен жаңбыр) күтіледі, жел екпінді болады, деп хабарлайды Total.kz.

Ауа температурасының негізгі фоны батыста түнде +3…+17, күндіз +12…+28, солтүстік-батыста түнде 0…+7 жылы, 3 градусқа дейін аяз, күндіз +8…+23 жылы болады деп болжануда.

Солтүстікте түнде 0…+5 жылы, 3 градусқа дейін аяз, күндіз +6…+11, орталықта және шығыста түнде 0…+5 жылы, 3 градус аяз, күндіз +6…+16 жылы болады.

Оңтүстік пен оңтүстік-шығыста ауа температурасы түнде +4…+15, күндіз +17…+28 жылы болады.