Ішкі істер министрлігі шерингтік компанияларға тіркеу нөмірлерін беруді міндеттеуді жоспарлап отыр.

Ішкі істер министрінің орынбасары Игорь Лепеханың айтуынша, электроскутерлер қатысқан жол-көлік оқиғаларында 3 адам қаза тапқан, 385 адам жарақат алған, деп хабарлайды Total.kz.

«Көптеген апаттар пайдаланушылардың ережелерді бұзуымен және скутерлерді тротуарлар мен жолдарда бақыланбай орналастыруымен байланысты. Ішкі істер министрлігі шерингтік компаниялардың қызметін заңдастыруды, оларға скутерлерді сақтандыруды, тіркеу нөмірлерін беруді және пайдаланушыларды есепке алуды міндеттеуді жоспарлап отыр. Айыппұлдар бұзушылықтың ауырлығына байланысты 2-ден 10 АЕК-ге дейін болады», – деді Лепеха.

Электроскутерлердің орналасқан жерін бақылау компанияларға жүктеледі. Алты ай ішінде жылдамдықты шектеу және белгілі бір аймақтарға кіруді шектеу жүйесін сынау жоспарлануда.