Қазақстандағы ауа райы туралы синоптиктер айтып берді.

29 мамырда Қазақстан аумағының басым бөлігінде жауын-шашынсыз ауа райы күтіледі. Тек батыста және оңтүстікте кей жерлерде найзағайлы жаңбыр жауып, бұршақ түсуі мүмкін. Республика бойынша кей жерлерде желдің күшеюі, оңтүстік пен батыста шаңды дауыл, сондай-ақ батыста және шеткі солтүстікте тұман күтіледі, деп хабарлайды Total.kz «Қазгидромет» РМК-ға сілтеме жасап.

Солтүстік және орталық облыстарда түнде +12…+16 °С, күндіз ауа температурасы +25…+28 °С болады деп болжануда.

Елдің батысында түнде ауа температурасы +20…+22 °С, күндіз термометр бағандары +25…+30 °С-қа көтеріледі.

Шығыс бөлігінде түнде +6…+9 °С, күндіз жылы +20…+24 °С болады.

Республиканың оңтүстігінде түнде +18…+25 °С, күндіз ауа +28…+37 °С-қа дейін жылиды.