Жаңа ережелерге сәйкес, YouTube барлық бейнелерге жарнаманы енгізеді.

YouTube бейнехостингі 1 маусымнан бастап пайдалану шарттарын өзгертті, деп хабарланады компанияның сайтында.

Жаңа ережелерге сәйкес, қызмет барлық бейнелерге жарнаманы енгізеді. Бұл ретте серіктестік бағдарламасына қосылмаған арналардағы жарнамадан түскен кіріс толығымен YouTube бюджетіне түседі.

«Бұл дегеніміз, енді сіз серіктес болмасаңыз да, кейбір бейнелеріңізде жарнама пайда болуы мүмкін. Бұл ретте сіз мұндай хабарландырулардан кіріс алмайсыз. Егер арна қажетті көрсеткіштерге жетсе, бұрынғыдай серіктестік бағдарламасына кіре аласыз», – делінген хабарламада.

Сонымен қатар, АҚШ-тан тыс жерде тұратын, бірақ американдық көрермендердің қарауынан пайда табатын блогерлердің кірісіне салық салынады. Жаңа енгізілім тікелей қараудан, сондай-ақ YouTube Premium, суперчат және демеушілік арқылы алынған кірістерге қатысты болады.

Ресей мен АҚШ арасындағы қосарланған салық салуды болдырмау туралы келісімге сәйкес, ресейлік авторлар AdSense жарнамалық қызметіне қажетті салық ақпаратын ұсынса, қосымша салық төлемейді. Әйтпесе, барлық кірістерге 24%-ға дейінгі мөлшерлемемен салық салынуы мүмкін.