Ауғанстан дінбасылары талибтер тарапынан үнемі зорлық-зомбылық пен азаптауға ұшырайды.

Ауғанстан дінбасылары «Талибан» (ҚР-да тыйым салынған қозғалыс – ред. Total.kz) тарапынан үнемі зорлық-зомбылық пен азаптауға ұшырайды, қудалау салдарынан көптеген имамдар жасырынуға мәжбүр, деп хабарлады мүфти Әбділ Қадыр (қауіпсіздік мақсатында аты өзгертілген), деп хабарлайды Islam.ru.

Мүфтидің айтуынша, содырлар Ауғанстандағы барлық имамдардың басшысын да ұстаған, бірақ біраз уақыттан кейін кепілге босатып жіберген.

«Талибтердің дінбасыларына негізгі шағымы – біз олардың бұрынғы үкіметке қарсы күрескен уақытында оларды қолдамадық және көмектеспедік. Қазір көптеген имамдар қашып жүр», – деп түсіндірді Қадыр.

Ол өзінің де жасырынып жүргенін айтты: бір облыста достары мен туыстарында тұрады, ал отбасы басқа облыста.

Мүфти сондай-ақ Ауғанстандағы исламның тағдырына алаңдаушылық білдірді: талибтердің келуімен елде «Әл-Қаида», «Лашкар-И-Тайба» және «Ислам мемлекеті» сияқты террористік топтар белсенділік танытып, бір-бірімен соғыса бастауы мүмкін.

«Ислам террористердің қолындағы ойыншыққа, өлтіру мен соғыстың сылтауына айналады», – деді ол.