Талғар ауданының әкімі пневмониядан қайтыс болды.

Алматы облысы Талғар ауданының әкімі Жолан Умаров қайтыс болды, деп хабарлайды Total.kz.

«Бүгін таңертең аудан әкімі Жолан Умаров пневмониядан қайтыс болды. Жолан Ыбырайахынович 1979 жылы дүниеге келген. Үйленген, төрт баласы бар. Туған-туыстары мен жақындарына қайғыра көңіл айтамыз», – делінген ресми сайттағы хабарламада.

Жолан Умаров әл-Фараби атындағы ҚазҰУ-ды, Қазақ ұлттық аграрлық университетін бітірген. Әр жылдары туризм басқармасы бөлімінің басшысы, Алматы облысы жер қатынастары басқармасының басшысы, Алматы облысы Райымбек ауданының әкімі болып жұмыс істеді. 2019 жылдың қыркүйегінен бастап Талғар ауданының әкімі қызметін атқарды.

Total.kz редакциясы Жолан Умаровтың туған-туыстары мен жақындарына көңіл айтады.