Өлім себебі анықталып жатыр.

Бүгін түнде Лондонда Айсұлтан Назарбаев қайтыс болды, деп хабарлайды zakon.kz.

Өлім себебі анықталып жатыр. Алдын ала – жүрек тоқтауы. Басқа мәліметтер әзірге белгісіз. Айсұлтан Рахатұлы 30 жаста еді.

Айсұлтан Назарбаев – Қазақстанның экс-президенті, Елбасы Нұрсұлтан Назарбаевтың немересі.

1990 жылы 26 тамызда Назарбаевтың үлкен қызы Дариға мен Рахат Әлиевтің отбасында дүниеге келген.

Астанадағы Халықаралық үздіксіз білім беру колледжінде, сондай-ақ Австриядағы «Американдық халықаралық мектеп» интернат-мектебінде оқыған. 2010 жылы Сандхерстегі британдық Корольдік әскери академияны бітірген. 2012 жылы Қазақстан Қорғаныс министрлігінің Бас барлау басқармасында жұмыс істей бастап, бір жыл қызмет еткен.

Әкесінің Австрияда елші болып қызмет етуі кезінде «Адмира Ваккер» клубында футболмен айналыса бастаған. 2006 жылы Қазақстанның бірінші лигасында астаналық «Рахат» сапында екі матч өткізсе, 2007 жылы Алматының «Теміржолшы» ФК құрамында болды. 2006 жылғы жасөспірімдер арасындағы Еуропа чемпионатының іріктеу турниріне қатысқан. Біраз уақыт британдық «Портсмутта» ойнап көрген.