Ұлыбритания дәрігерлері коронавирустың диафрагмаға әсерін растады.

Зерттеулерге сәйкес, ұзаққа созылған ықылық COVID-19-ның сирек симптомы болуы мүмкін, деп хабарлайды Express.

Басылымда дәрігерлік тәжірибеден алынған бірнеше ауру жағдайы сипатталған. Олардың барлығын науқастардың ықылық тартуы біріктіреді. Бұл ретте олардың коронавирусқа тесті оң нәтиже көрсеткен, компьютерлік томография нәтижелері де диагнозды растаған. Сондай-ақ, ықылық сауығудың алғашқы белгілерімен бірге өткені атап өтіледі.

Мәселен, Мысырдан келген науқас үнемі ықылық тарта бастаған. Ықылықпен қатар COVID-19-ның екі негізгі симптомы – температура мен тамақ ауруы сезілген.

Ықылықтың неден пайда болғанын түсіну үшін Каирдегі дәрігерлер компьютерлік томография жүргізіп, ер адамнан COVID-19 растаған.

Ұлыбританияның Ұлттық денсаулық сақтау қызметі коронавирустың диафрагмаға шынымен әсер ететінін, соның салдарынан науқастың ұзақ уақыт ықылық тартуы мүмкін екенін растады.

Алайда дәрігерлер ықылықтың жиі себепсіз пайда болатынын және бірнеше минутқа созылатынын ескертеді. Бұл стресс, күшті эмоционалдық күйзеліс немесе ағзаның тағамға немесе сусынға реакциясы болуы мүмкін. Олардың пікірінше, адам егер екі тәуліктен артық ықылық тартса немесе ықылық ұстамалары үнемі қайталанса ғана дәрігерге жүгінуі керек.