Мамандар терек түбіті мен аллергиядан қорғану жолдарын атады.

Мәскеу қалалық клиникалық ауруханасы №52 аллергология және иммунология орталығының консультациялық-диагностикалық бөлімшесінің меңгерушісі Елена Бобрикова терек түбіті мен көктемгі аллергиядан қалай қорғануға болатынын айтты, деп хабарлайды РИА Новости.

Оның айтуынша, көзілдірік көзді түбіт пен тозаңнан қорғайды. Сондай-ақ Бобрикова күн ішінде мұрынның кілегей қабығын тұзды ерітінділермен жууды ұсынды. Ол түбіттің денеден түшкіру арқылы бірден шығарылатынын, бірақ тозаң сияқты аллергенді теңіз суымен кілегей қабығын суару арқылы жойған дұрыс екенін атап өтті.

«Терек түбітінің өзі аллерген емес. Алайда оның бетінде аллергиялық реакциялар тудыратын тозаң жиі қалады. Сонымен қатар, түбіт бұл аллергендердің таралуына ықпал етеді. Алдын алу үшін тамақты физиологиялық ерітіндімен шаю және көзді теңіз суы бар препараттармен жуу пайдалы», - деді дәрігер.

Бұған дейін планетаның әрбір жиырмасыншы тұрғынына астма диагнозы қойылғаны, жыл сайын бұл аурумен ауыратындар саны аллергиямен қатар өсіп келе жатқаны хабарланған болатын. Сонымен қатар, бронх демікпесі көптеген себептерге байланысты пайда болады, бірақ көбінесе ол аллергиямен байланысты.