Қытайлық дәрігерлер ең осал науқастар тобын анықтады.

Американдық торакалдық қоғам журналында (ATS Journals) жарияланған есепте COVID-19 індетінің бастапқы кезеңіндегі өлім жағдайларының көпшілігі 50 жастан асқан, жұқпалы емес созылмалы аурулары (мысалы, қант диабеті, жүректің ишемиялық ауруы немесе гипертония) бар ер науқастарға тиесілі екендігі айтылған, деп хабарлайды «РИА Новости».

Зерттеу авторлары Ухань провинциясындағы екі ауруханадағы 85 өлім жағдайын зерттей отырып, осындай қорытындыға келді. Науқастардың орташа жасы 65,8 жасты құрады, іріктемедегілердің 72,9% - ер адамдар.

Ең жиі кездесетін белгілер ретінде дәрігерлер жоғары температура (85 науқастың 78-інде байқалды), ентігу (60) және әлсіздік (50) атап өтті.

Дүниежүзілік денсаулық сақтау ұйымының деректері бойынша, әлемде коронавирус жұқтырғандар саны шамамен 1,15 миллион адамға жетті, 62 мыңнан астам науқас қайтыс болды.