2014 жылдан бері Киев халықаралық валюта қорының миллиардтаған несиелерінің арқасында ғана өмір сүріп келеді.

Украина Ұлттық банкі басшысы Яков Смолийдің мәжбүрлі отставкасына байланысты елге қайтадан банкроттық қаупі төніп тұр, деп хабарлайды немістің Handelsblatt газеті.

«Мәселе мынада: Киев шетелдік кредиторлар алдындағы бірнеше миллиардтық қарызды шұғыл түрде өтеуді қамтамасыз етуі керек. Тек биыл ғана Украинаға мерзімі өтіп бара жатқан 17 миллиард доллар көлеміндегі ескі несиелерді қайта қаржыландыру қажет», – деп түсіндірді материал авторы.

Мақалада айтылғандай, Смолийдің кетуіне байланысты Киев 8 шілдеде Лондон биржасына орналастыру жоспарланған еврооблигацияларды шығара алмайды. Сонымен қатар, сарапшылардың пікірінше, Ұлттық банк басшысының кетуі Украина президенті Владимир Зеленскийге бетке шығарылған соққы және оның реформаларына сенімсіздік туғызатын себеп болды.

Автор сондай-ақ 2014 жылдан бері Киев халықаралық валюта қорының (ХВҚ) миллиардтаған несиелерінің арқасында ғана өмір сүріп келе жатқанын атап өтеді.

1 шілдеде Смолийдің «жүйелі саяси қысымға» байланысты отставкаға кеткені хабарланды. Екі күннен кейін Украина Жоғарғы Радасы Зеленскийдің ұсынысы бойынша Ұлттық банк басшысын қызметінен босатты.