Одақтастардың көмегі келмеуі мүмкін, және Еуропа өзін-өзі қорғауға мәжбүр болады, деп ескертеді АҚШ.

Америка Құрама Штаттары Еуропа Одағына оның қорғаныс саясатын АҚШ мүдделерімен байланыстыру үшін ультиматум қойды, деп хабарлайды El Pais газеті.

АҚШ Еуропаның қорғаныс саясатын өзгертуді талап етеді, себебі олар өз компанияларының еуропалық әскери жобаларға қатысуын қалайды. Америка тарапының пікірінше, қолданыстағы нормалар бұған кедергі келтіреді.

«ЕО-да АҚШ талаптарымен келіспейді, өйткені олар „әскери материалдарды экспорттау бойынша американдық нормативтердің тұзағына түсіп қалудан” қорқады. Оған жауап ретінде АҚШ президенті Дональд Трамп әкімшілігі егер тараптардың әскери индустриялары бірлесіп жұмыс істей алмаса, онда қажетті сәтте одақтастардың көмегі келмеуі мүмкін, және Еуропа өзін-өзі қорғауға мәжбүр болатынын атап өтті», – деп жазды басылым.

Келіспеушіліктер болашақ еуропалық қорғаныс қорының нормативтері мен Тұрақты құрылымдық әскери серіктестік (PESCO) бағдарламасының қару-жарақ жобаларына қатысты туындады. Бұл бағдарлама қауіпсіздік және қорғаныс саласындағы тығыз ынтымақтастыққа бағытталған.