Балаларға арналған бірегей ертегі-нұсқаулық «Кубтық лабиринт» жарық көрді.

Кітаптың ерекшелігі – оны бала балалар үшін жазған, деп хабарлайды Total.kz.

Кітаптың авторы – кішкентай бала Акбар Нурлан, ол қызықты түрде Рубик текшесін қалай құрастыру керектігін баяндайды. Бұл балаларға түсінікті тілде, егжей-тегжейлі схемалар мен суреттер арқылы жасалған.

Қызықты түсіндірмелер, жеңілдік және түрлі-түсті баяндау кішкентай оқырмандардың кеңістіктік қиялын дамытады. Кітап сонымен қатар басқатырғышты құрастыруға деген қызығушылықты арттырып, балада стандартты емес есептерді шешу дағдыларын қалыптастырады.

«Кубтық лабиринт» ертегі-нұсқаулығын шығару идеясының негізінде Акбар есімді баланың балалар церебральды сал ауруы (БЦС) диагнозы бар балаларға көмектесу ниеті жатыр. Осылайша балаларға арналған бірегей кітапты шығарудың ұзақ процесі басталды.

Кітаптың шығуымен «Қасиетті жол» қайырымдылық қоры Акбар Нурланмен бірге #Қазақстан жақсылық жасайды флешмобын бастайды. Кітапты сатудан түскен барлық қаражат БЦС-пен ауыратын балаларға арналған бейімделген каратэны дамытуға жұмсалады.

Айта кету керек, «Қасиетті жол» қоғамдық қайырымдылық қоры 2011 жылы балаларға көмек көрсету мақсатында құрылған. «Нұр Отан» партиясының қатысуымен және Samruk-Kazyna Trust әлеуметтік жобаларды дамыту қорының қаржылық қолдауымен қор «Дені сау балалар» жобасын жүзеге асырады.