Шектеу теміржол вокзалдарына, өзен порттарына және автомобиль өткізу пункттеріне қолданылады.

Беларусь билігі жаңа коронавирус пандемиясына байланысты мемлекеттік құрлықтық шекараларды шығу үшін жабады. Бұл туралы Министрлер Кеңесінің қаулысында айтылған, деп хабарлайды ТАСС.

Құжат 8 сәуірде қабылданған қаулыға өзгерістер енгізеді, ол COVID-19 ауруын тудыратын инфекцияның таралуын болдырмау мақсатында қабылданған.

«Беларусь Республикасының мемлекеттік шекарасын Беларусь Республикасы азаматтарының, сондай-ақ Беларусь Республикасы аумағында тұрақты немесе уақытша тұруға рұқсаты бар шетелдіктердің Беларусь Республикасынан шығуы үшін кесіп өтуін уақытша тоқтату», – деп атап өтілген мәтінде.

Шектеу автомобиль өткізу пункттеріне, жеңілдетілген өткізу пункттеріне, теміржол вокзалдары мен станцияларындағы өткізу пункттеріне, сондай-ақ өзен порттарына қолданылады. Аталған өзгерістер құжатқа қол қойылған сәттен бастап 10 күн өткен соң күшіне енеді.

Онда кіруге шектеулер енгізілмейтіні көрсетілген, алайда елге келгендер «Беларусь Республикасына келген күннен бастап 10 күнтізбелік күн бойы өзін-өзі оқшаулауда болуға міндетті және өзін-өзі оқшаулау мерзімі аяқталғанға дейін Беларусь Республикасының мемлекеттік шекарасы арқылы өткізілмейді» деп атап көрсетілген.

Сонымен қатар, алты жастан асқан шетелдіктер «COVID-19 инфекциясына зертханалық зерттеудің теріс нәтижесін растайтын қағаз немесе электронды түрдегі медициналық құжаттың түпнұсқасын немесе көшірмесін болуы тиіс». Бұл талап ел аумағында уақытша немесе тұрақты тұруға рұқсаты бар азаматтарға қолданылмайды.