Халықаралық қылмыстық полиция ұйымын Оңтүстік Корея өкілі басқарды.

Интерполдың президенті міндетін атқарушы Ким Чон Ян Халықаралық қылмыстық полиция ұйымының (Интерпол) жаңа басшысы болды, деп хабарлайды Total.kz.

«Ким Чон Ян Интерпол президенті болып сайланды (екі жылдық мерзім)», – деп хабарлайды ұйымның ресми Twitter-парақшасы.

Сайлау Дубайда өткен Интерполдың 87-ші Бас ассамблеясы аясында өтті.

Еске сала кетейік, бұған дейін халықаралық ұйым басшысы лауазымына үміткерлер арасында ресейлік Александр Прокопчук фаворит саналған.

Бірнеше американ сенаторлары президент Дональд Трамп әкімшілігі мен Интерполдың бас ассамблеясынан ресейліктің жеңісіне жол бермеуді сұраған.

Литва парламенті ұйым басшысы болып Александр Прокопчук тағайындалған жағдайда елдің Интерполдан шығатыны туралы қаулы қабылдады.

Бұған дейін БАҚ Интерпол басшысының ұсталғаны туралы хабарлаған. 64 жастағы Мэн Хунвэй Қытайда тергеу астында.