Сауд Арабиясының басшылығы шекараларды ашты.

Сауд Арабиясы Корольдігі басқа мемлекеттермен құрлықтық, су және әуе қатынасына тыйым салуды жояды. Алайда шетелге тек коронавирусқа қарсы егілген немесе кетуден кемінде бір ай бұрын ауырып сауыққан азаматтар ғана шыға алады, деп хабарлайды ТАСС.

Сондай-ақ шетелде емделу шығындарын жабатын сақтандыру полисі бар кәмелетке толмағандар да елден шыға алады.

Ел басшылығы өткен жылдың желтоқсанында коронавирустың жаңа штаммының пайда болуына байланысты шекараларды жапқан болатын. Жергілікті билік жиырма мемлекеттен тұратын тізім жасады, осы елдерге барғаннан кейін екі апта ішінде Сауд Арабиясына транзиттік сапарлар үшін де кіргізілмеді.

Бұған дейін корольдік билігі коронавирусқа қарсы егілмеген адамдарға жұмысқа шығуға тыйым салған болатын. Сонымен қатар, Reuters агенттігінің мәліметінше, Сауд Арабиясы азаматтарының 16%-дан сәл астамы ғана вакцинациядан өткен.