Тәуел­сіздік сарайына барлық өңірден жиылған мыңнан аса делегаттың ішін­де облыстық филиалдардың, қоғамдық бірлестіктердің, сарапшылар қо­ғамдастығының өкілдері және басқа да шақырылған қонақтар болды. Қа­тысушылар партияның сайлауалды бағдарламасын, Құрылтай депу­тат­ты­ғына кандидаттардың партиялық тізімін бекітіп, партия Жарғысына өз­герістер мен толықтырулар енгізді. Сонымен қатар мүшелік жарналардың мөл­шерін айқындап, қорытынды Қаулы қабылдады.

Съездің пленарлық отырысы басталар алдында партия Саяси кеңесінің отырысы өтіп, оның алаңында күн тәртібіндегі мә­се­лелер мен партия қызметінің негізгі бағыт-бағдары тал­қы­ланды.

Ал съезде алдымен делегаттар Жарғыға енгізілетін өзгеріс­тер мен толықтырулар, сондай-ақ партия мүшелерінің жарна мөлшері сынды ұйымдық дамуға қатысты мәселелерді қарады. Жар­ғының жаңа редакциясын та­ныстырған партия Саяси кеңе­сінің мүшелері Бекжан Әлім­құлов пен Гүлзира Атабаева құжат Қазақстан Республикасы жаңа Конституциясының ере­желері мен қолданыстағы заң­намаға енгізілген өзгерістерді ес­кере отырып әзірленгенін атап өтті. Олардың айтуынша, жаңа Конституцияның қабыл­дануы мемлекеттік басқару ісі­нің барлық жүйесін терең жаң­ғыр­туға жол ашты.

Азаматтар мүддесіне негізделген бағдарлама

Талқылауды қорытындылаған партия Төрағасы Айбек Дәдебай «Әділет» партиясының сайлауалды бағдарламасы ауқымды сараптамалық және қоғамдық жұмыстың нәтижесі екенін атап өтті.

«Бүгін бекітілген партияның сай­лау­алды бағдарламасы каби­нетте отырып жазылған жоқ. Оның негізіне Қазақстан Респуб­ликасының Президенті Қасым-Жомарт Кемелұлы Тоқаевтың стратегиялық бастамалары, әлеу­меттік зерттеулердің қорытын­дысы, «Әділет» партиясы өткіз­ген көптеген стратегиялық тал­қы­лау­дың нәтижесі, сондай-ақ азамат­тардың ұсыныс-пікірі мен жетек­ші сарапшылардың ұсын­ыстары арқау болды», – деді Айбек Дәдебай.

Оның айтуынша, құжат алда­ғы жұмыстың негізгі бағыт­тарын айқындап қана қоймай, бүгінде қоғам үшін ең өзекті мәселелерді шешетін нақты тәсілдерін де көрсетеді.

Сөзін қорытындылаған Айбек Дәдебай сайлауалды бағ­дарлама бекітілгеннен кейін партия сай­лау науқанына дай­ын­дықтың келесі кезеңіне кірісетінін айтты. Ендігі негізгі назар өңірлердегі азамат­тармен жұмысқа және бағ­дарла­маның негізгі ережелерін кеңінен түс­ін­діруге бағытталады.

«Жаңа Конституция Қазақ­стан үшін жаңа мүмкіндіктерге жол ашты. Енді маңыздысы, сол мүм­кін­­діктерді қалай пайдалана ала­тынымыз. Елді өзгертетін – адам­дар: олардың идеялары, жауап­кершілігі, адал еңбегі және халқы­на қызмет етуге деген даяр­лығы. Бүгін біз алдағы сайлауда «Әділет» пар­тия­сының атынан түсетін, осы жау­ап­кершілікті өз мойнына алуға дайын канди­даттар тобын бекіт­тік», – деп түйіндеді Айбек Дәдебай.

Күн тәртібіндегі жеке мәселе ретінде Құрылтай депутаттығына кандидаттардың партиялық тізімі бекітілді. Съезд ұсынылған канди­дат­тарды қолдап, «Әділет» пар­тиясы 186 кан­дидаттан тұратын ең ауқымды партиялық тізімді ұсын­ды. Оның ішінде 115-і ер адам болса, 71-і – әйел. Тізімге ғылым, білім, биз­нес, өнеркәсіп, цифр­лық сала, мә­де­ниет, спорт және азаматтық қоғам өкілдері енген.