Алдағы уақытта ауа райы қандай болатынын синоптиктер айтып берді.

Қазақстанның басым бөлігі антициклонның ықпалында болады, сондықтан негізінен жауын-шашынсыз ауа райы күтілуде, деп хабарлайды Total.kz.

Тек елдің батысы мен солтүстік-батысында жаңбыр және қар түрінде жауын-шашын, көктайғақ күтіледі. Республика бойынша тұман, желдің күшеюі болжанады.

Орталық аймақтарда — ашық ауа райы. Түнде -8°С, күндіз ауа температурасы -2°С болады деп болжануда.

Елдің солтүстігінде — ауыспалы бұлтты, жауын-шашынсыз. Түнде ауа температурасы -16°С, күндіз термометр бағандары -8°С көрсетеді.

Қазақстанның батысында қар жауады. Түнде -7°С, күндіз ауа -5°С дейін жылынады.

Елдің шығысында ашық болады. Түнде ауа температурасы -17°С, күндіз термометр бағандары -5°С көрсетеді.

Республиканың оңтүстігінде күн ашық болады. Түнде -2°С, күндіз ауа температурасы +12°С дейін көтеріледі деп болжануда.

Астанада ашық болады. Түнде температура -12°С дейін төмендейді, күндіз термометр бағандары -6°С көрсетеді.

Алматыда күн ашық болады деп күтілуде. Түнде ауа температурасы -3°С, күндіз ауа +7°С дейін жылынады.

Шымкентте болжам бойынша ашық ауа райы күтілуде. Түнде -2°С, күндіз ауа температурасы +11°С дейін көтеріледі.