Қолайсыз ауа райына байланысты Қазақстанның бес өңірінде 20-дан астам жол жабылды. Бұл туралы «ҚазАвтоЖол» ұлттық компаниясы хабарлады.

Жабылған жолдардың қатарында республикалық маңызы бар трассалар да бар. Атап айтқанда, Шығыс Қазақстан, Солтүстік Қазақстан, Батыс Қазақстан, Ақмола және Қарағанды облыстарында бірнеше бағыт жабылды.

«ҚазАвтоЖол» мамандары жолдардың жағдайын бақылап, қажет болған жағдайда қосымша ақпарат беріп отырады. Жүргізушілерге сапарға шықпас бұрын жол жағдайы туралы ақпаратты тексеру ұсынылады.