Ішкі нарықтағы көлем мен бағаның тұрақтылығы өнімді экспортқа шығаруға мүмкіндік береді.

Үкіметте сыртқы сауда және халықаралық экономикалық ұйымдарға қатысу мәселелері жөніндегі ведомствоаралық комиссияның отырысы өтті, деп хабарлайды Total.kz тілшісі.

Іс-шара Ұлттық экономика министрінің орынбасары Серик Жұманғариннің төрағалығымен өтті.

Талқыланған мәселелердің бірі картоп экспортына тыйым салу мүмкіндігі болды. Комиссия мүшелері тыйым салмау туралы шешім қабылдады.

«Ішкі нарықтағы бағаның айтарлықтай тұрақтануын және жеткілікті қорлардың болуын ескере отырып, картоп экспортына уақытша шектеулер енгізудің орынсыздығы туралы шешім қабылданды», – деп атап өтті үкіметте.